ENTREVISTA A "CLAUDIA GUTIERREZ LUEJE"

Buenos y nevados días!!!
Ya tenemos la ansiada entrevista de Claudia, la jovencísima corredora canguesa asegura un gran futuro en el trail femenino asturiano.

Intento tomame les carreres de monte como una afición. Sin embargu, son muncho más: requieren munches hores de trabayu y preparación, un trabayu que ye placenteru anque comprometíu. Amás de que nun ye siempre un camín cenciellu: entrenar baxo la lluvia, con barru, vientu... pero merez la pena porque te fai más fuerte. De fechu a los mios amigos dígo-yos que soi como una viquinga que teo qu'aguantar esi sufrimientu tan prestosu. Les carreres, tantu de monte como d'esquí son pa min parte de la vida de mio, ( nun pueo ser yo ensin elles).

Así es Claudia:

1- NATURAL DE.................................... soi natural de Cangues d'Onís,
cuna del paraisu de Los Picos.

2- VIVE EN........................................... magar que güei vivo en Xixón

3- CLUB............................................... dende qu'entamé la competición
toi nel grupu de monte Avientu.

4- UN LUGAR PARA ENTRENAR.......... por supuestu el llugar perfeutu pa
entrenar son Los Picos anque tan lloñe pa min. Por ello, suelo dir per Xixón:
los Pericones o la Providencia son bonos parques pa entrenar y el meyor
sitiu d'ehí ye (poner nombrenfbdkndndmsmsns) tamién en el monte deva onde
hay unes letres incoherentes jahahah

5- UNA CARRERA (Hasta 21 km).......... de carreres curties la que mas mi
presta ye la media de Payares

6- UNA CARRERA (Hasta 42km)........... como exemplu de carrera llarga
tomaría La Traveserina y más lloñe la maratón del Aneto, porque les dos
tienen un paisaxe perguapu.

7- UNA ULTRA..................................... nunca participé nuna ultra pero
siempre tuvi como exemplu la Travesera ya que la conozo dende'l so
nacimientu, cuando participaben 30 corredores como muncho.

8- UN/A TRAIL RUNNER ASTURIANO/A.. anque nun seya el corredor
más famosu, el mio favoritu ye mio pa, Toño Meré, que lleva participando
na travesera dende la primer edición y que de fechu fue ún de los que
trazaron el circuitu; amás participó y finó otres competiciones perdures
como la Ultra Trail del Mont Blanc o Los Güeyos del Diablu por poner
dellos exemplos.

9- UN/A DEPORTISTA........................... Nun tengo un deportista favoritu.
Simplemente préstame imitar la so téunica, velos nes competiciones...
Podría dicise que'l que más conozo ye a Kilian Jornet, porque paezme que
foi una figura mui importante pa dar a conocer el nuesu deporte y pa la so
evolución.

10- OTRO DEPORTE............................... Sin dulda l'otru deporte ye
l'esquí de montaña que ye l'actividá que prautico n'hiviernu.

11- UN PICO, MONTE, MONTAÑA,........... Pa min nun hai picu más guapu
que l'Urriellu, pero personalmente siéntome xunía al Pienzu porque ye'l picu
al que más veces subí y nel que veo la mio progresión deportiva.

12- UNA PLAYA...................................... Nun soi mui de playa pero la que
más cariñu-y teo ye a la de San Lorenzo de Xixón, magar que nun ye mui
guapa ye la que ta al llau de casa y la que conozo dende que teo memoria.

14- UN RELOJ........................................ sunnto ye la marca que uso
dende fai años y tien bon resultáu.

15- UNA COLONIA.................................. cualquier que seya de fruta:
mazana, coco, fresa...

16- UN COCHE....................................... A min nun mi gusten los coches
asina que'l perfeutu ye'l que nun contamine ni faiga munchu ruidu.

17- UN LIBRO......................................... La lliteratura ye una de les mios
debilidaes. Nun pueo escoyer ún. En xeneral los clásicos: La Regenta,
La familia de Pascual Duarte, Hamlet, les obres de Herman Hess...
como exemplos de llibros más actuales gústenme Cien años de soledad y
Olvidado rey Gudú.

18- UNA PELÍCULA.................................. Nun pueo escoyer una película
porque una de les mios pasiones ye'l cine asina que veo tantes y tan
guapes que nun sería xusto facer una escoyeta. Préstenme les que son
pa neños, los musicales (sobre tou Los Miserables)...
De too menos les de mieu.

19- UNA ACTRIZ...................................... Al igual que nun teo un deportista
favoritu tampocu teo una actriz. Anque pondría por exemplu a Julie Andrews.

20- UN ACTOR........................................ Sin embargu sí teo predilección
por sellos actores, sobre too por Leonardo di Caprio y Johnny Depp por ser
mui polivalentes.

21- UN/A CANTANTE............................... Nun mi gusta un cantante solu
sinon canciones de diferentes artistes. Pero pueo dicir que los que canten
regueton no mi gusten un res.

22- UNA COMIDA.................................... La pasta ye lo meyor.
Simplemente amestándo-y un chorrín de aceite pues deleitate y amás
¡ye tan cenciella de cocinar!

23- UNA BEBIDA..................................... Nun soy exquisita pa la bebida.
Valme lo de tola vida: cocacola, fanta...

24- UN RESTAURANTE............................ Los restaurantes que mas mi
gusten tán equí en Xixón: La Panza es Primero que ye un mexicanu y
el Gepetto que ye un italianu.

25- UNA ILUSIÓN..................................... Nun teo una ilusión clara porque
voi marcándome oxetivos pequeñinos. De momentu l'oxetivu que teo más
alloñáu ye finar la carrera (a poder ser con bones notes) y poder siguir 

entrenando y pasándolo bien colos amigos, porque siempre quiero facer
les tres coses: estudiar, ver a la mio xente y entrenar


Muchas gracias Claudia, nos vemos por el monte!!!

La próxima semana estará con nosotros Chali.